ՎՍՀ-ում Հայաստանի Հանրապետության դեսպան Վահրամ Կաժոյանի մասնակցությունը 2020 Նորարության ֆորումին:

18 դեկտեմբերի, 2020

Վիետնամի Սոցիալիստական Հանրապետությունում Հայաստանի Հանրապետության դեսպան Վահրամ Կաժոյանը մասնակցեց և ողջույնի խոսքով հանդես եկավ այսօր Հանոյում իր աշխատանքներն սկսած 2020 Նորարության ֆորումին:

Համաժողովը նվիրված է կրթության, գիտության, նոր տեխնոլոգիաների, տնտեսության, առևտրի և արդյունաբերության բնագավառներում նորարական մոտեցումների կիրառմանն ու զարգացմանը:

Դեսպան Կաժոյանն իր խոսքում անդրադարձավ հայ-վիետնամական համագործակցության զանազան բնագավառներին, ինչպես նաև երկու երկրների առևտրա-տնտեսական և այլ հարաբերությունների ներկային ու հեռանկարներին: Նա նաև ներկայացրեց ԹՈՒՄՈ ստեղծարար տեխնոլոգիաների կենտրոնների աշխատանքը և կոնցեպցիան, հույս հայտնելով, որ Հանոյը կարող է դառնալ հերթական ԹՈՒՄՈ կենտրոնը հյուրընկալող հաջորդ քաղաքը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր